කාදිනල් රංජිත්ට වතිකානුවෙන් විශාල කැපිල්ලක් තිබේ. ඔහු සහය දුන් කදින්ල්ට පාප් ධූරය නොලැබුණි. උග්‍ර ඇමෙරිකානු විරිධියෙකු ලෙස ප්‍රකට කාදිනල් රංජිත් ඇමෙරිකානු පාප් වහන්සේ කෙනෙකු හමුවේ මුහුණ දී සිටින්නේ දැවැන්ත අභියෝගයකටය. එසේම පාස්කු ප්‍රහාරය තම වාසිය වෙනුවෙන් භාවිතා කොට කොළඹ බිෂොප් පදවියේ සේවය කිරීම සඳහා ලබාගත් සේවා දිගුවද ක්‍රමයෙන් අවසන් වෙමින් තිබේ.
මෙවැනි සන්දර්භයක, කාදිනල් රංජිත් සිය පූජාත්‍රයේ පනස් වසරක් සම්පූර්ණ කිරීම උත්සවාකාරයෙන් සමරනු ලැබීය. ඒ සඳහා ඔහු මේ වන විට දේශපාලන ඩීල් දමන ප්‍රධාන දෙපාර්ශවය වන ජනාධිපතිවරයා ප්‍රමුඛ ආණ්ඩුව සහ විපක්ෂ නායක සජිත් ප්‍රේමදාසට ඇරයුම් කර තිබුණි.
කාදිනල් මේ පනස් වසරක කාලය තුළ කතෝලික පල්ලියට තිබු ගරුත්වය සහ ප්‍රතිරූපය ඉතාම අසීලාචාර අන්දමින් විනාශ කල අයෙකි. දේශපාලනික වශයෙන් ඉතා කැත දේශපාලනයක නිරත වූ හෙතම පාස්කු ප්‍රහාරය වසර හයක් තිස්සේ වවාගෙන කෑවේය. මොහු කතෝලිකයන්ට සැබෑ ආදරයක් දක්වන පූජකයකු නොවන අතර මෙරට සමස්ථ සමාජය ගැන විශාල වෛරයකින් පසුවන පුද්ගලයෙකි.
ප්‍රහාරයට පසුදා ඔහුට ලැබුණු පණිවිඩ නිසා ඔහු පල්ලියේ පූජාවට නොගියේය. ප්‍රහාරයෙන් පසු දෙවියන් වහන්සේ කෙරෙහි තිබු විශ්වාසය විශාල වශයෙන් දෙදරා යෑම නිසා කාදිනල් සිය බලය පිළිබඳ දැවැන්ත අර්බුදයකට මුහුණ දුන්නේය. එය වසා ගැනීම සඳහා සමස්ත ඛේදවාචකය දේශපාලනීකරණය කළේය. ඉන් පසු විශාල මුල්‍යා ආධාර ප්‍රමානයක් රැස් කළේය. එය කිසිම විඝනනයකට යටත් නොකළේය.
පෙර සඳහන් කල පරිදි ප්‍රහාරය ඉතාම කැත විදිහට පාවිච්චි කරමින් , කොළඹ අගරදගුරු නිලයේ සේවය කිරීම සඳහා වතිකානුවෙන් සේවා දුගුවක් ලබා ගත්තේය. ගෙවුණු කාලය තුළ ඉතා නින්දිත දේශපාලනයක නිරත වෙමින් රාජ්‍යය අරාජිකත්වයට ඇදදැමීමට හැකි සෑම කටයුත්තකම නිරත විය. මොහු බැටළු හම පොරවාගත් වෘකයෙකු බව තේරුම් ගැනීමට තවත් සාක්ෂි අවශ්‍යය වන්නේ නැත. මොහු සමස්ත රටට පමණක් නොව මෙරට කතෝලිකයින්ට කළ හානිය සුලුපටු නොවේ.
කාදිනල් රංජිත්ගේ බලපෑමට මෙරට රාජ්‍යයේ ප්‍රධාන් පත්වීම දෙකක් සිදුකළ බව සභානායක බිමල් රත්නායක පසුගියදා පාර්ලිමේන්තුවේදී හෙළිදරව් කළේය. ඒ ඇතැම් යු ටියුබ් කරුවන් විසින් ලංකාවේ 007 ලෙස හඳුන්වන ශානි අබේසේකර සහ බීමතින් රිය පැදවීමේ වරදට වරදකරුවකු වී සිටින නීතිය සහ මහජන ආරක්ෂාව අමාත්‍යංශයේ ලේකම් රවී සෙනෙවිරත්නය. කාදිනල් මෙම පත්වීම් සඳහා ඍජුව මැදිහත් වන්නේ, චැනල් හතර නාලිකාවේ චිත්‍රපටයේ ප්‍රධාන නළුවෙකු ලෙස රඟපෑමෙන් පසුය.
හාස්‍යය ජනක කාරණයනම්, එම චිත්‍රපටය නිර්මාණය කිරීමට දායක වූ කාදිනල්, රවී සහ ශානි පිරිසම එම චිත්‍රපටය ඔස්සේ හෙළිදරව් කරන කාරනා ගැන සොයා බැලිය යුතුයැයි බලපෑම් කිරීමය. ඒ සඳහා රාජ්‍යය ව්‍යුහය තමන්ගේ පෞද්ගලික වුවමණා එපාකම් සහ සිතැඟියාවන් වලට අනුව හැසිරවීමය. ගැටලුව නම්, රවී සහ ශානි දෙපල පත් කිරීමට මෙතරම් බලපෑමක් කළේ නම් කාදිනල් තවත් පත්වීම් කීයක් සඳහා බලපෑම් සිදු කොට තිබේද?
